Tulang Di-Malaya (Isyung Panlipunan)

"Droga Iwaksi"
ni: Daveson E. Torculas

Payapa ang nangingibabaw
Kasiyahang umaapaw,
Katulad ng isang ibon
Pangarap nating umahon.

Subalit sa isang dulo
Parang bula na naglaho,
Panaginip na kay tagal
Unti-unti ng bumagal.

Bawal na gamot nagbigay
Nitong maitim na kulay,
Ang 'sang paa nasa hukay
Ang isa naman ay buhay.

Krimen doon, krimen dito
Dahil sa gamot na ito, 
Sanlibutan ay nasira
Walang mabuting natira.

Tayong mga kabataan
Ang pag-asa nitong bayan,
Kaya dapat nang ilaban
Itong mga kasamaan.



"Droga ay Iwasan" 

ni: Mary Coleen Ingking

Tayo'y dapat magtulungan

Lipunan pangalagaan

Tila perlas ng silangan

Dapat ay ating ingatan.

Droga ay iwasan

Ito rin ay para sa'tin

Sarili ay respetuhin

Makamit lang ang mithiin.

Tayo'y manampalataya

Sa Diyos tayo magtiwala 

Ang Diyos natin ay may awa

At hindi nagpapabaya.


Ang Mundong Ginagalawan
ni: Pauline Faith Luz




Mundo na ginagalawan
Nasira na ng tuluyan
Puno ay nagiiyakan
'Nawa sana’y maramdaman.


Ang ibon at ang halaman
Rinig ay nagiiyakan
Sa nasira ng tahanan
Sana ay maintindhan.


Ngayon ay kabaliktran
Hayop ang nagdadamayan,
Tao ay nagsasakitan,
Halama’y nagmamahalan.


Tala sa langit tumingin
Nangamba sa ating tanawin
Dapat ngayon ay isipin
Pagbabagong dapat gawin.


Pangalagaan ang atin
Mga dalubyo’y sirain
Kalikasan pagyamanin
Dapat ating pagsikapin.


“Ang Ating Lipunan”
ni: Sheila Mae C. Penaso

Gastusin di mapigilan
Presyo di maunawaan
Tao'y lalong nahirapan
Wala ng katahimikan.

Mundo'y lalong nagkagulo
Kahit saan mang anggulo
Oh! Mahal na pinuno
Tulungan ang mga tao.

Mga kurakot dumami
Ang Pinas lalong marumi
Dapat ibalik ang ngiti
Biglang nawala sa labi.

Paano ba mawawala
Ang sakit ng ating bansa
Anong gamot ang mabisa
Saan ito makikita?

Sayang ang luha ng tao
Pagdasal lang ang magawa
Kesa walang ginagawa.


"Polusyon"
ni: Jessa Mae Vilano

Oh Polusyon, Oh Polusyon
Polusyon ay kahit saan,
Ito’y di maiiwasan
Problema na may solusyon.

Tayo ang mga may sala,
Tayo na rin ang kawawa
Di dapat ibalewala,
Di natin ipagbahala.

Hindi natin isusuko,
Gawan natin ng paraan,
Lahat ay dapat subukan
Upang masakatuparan.

Ang polusyon sa hangin
At ang polusyon sa tubig
Ang polusyon sa lupa
Ang dami ng polusyon.

Magkaisa tayong lahat,
Magtulungan na rin lahat,
Dahil mundo ay maganda
Ito’y handog at biyaya.


“Pinagkaitan”
ni: Angelica Namoc

Mayroong isang hangarin
Uunlad ang bayan natin
Iisa ang panalangin
Dinggin na nga Ama namin.

Bakit ba nahihirapan?
Kung kaya nating sarapan
At kaya namang timplahan
Ang buhay na kayamanan.

Ba't tayo pinagkaitan
Magandang buhay matikman
Bakit nila hinawakan
Ang mga pera sa kaban
Saan ba tayo papunta?

Ni daan ay 'di Makita
Ba't tayo pinagkaitan
Ng ating karapatan.

Kahirapan 'di maibsan
Edukasyon 'di maranasan,
Pangarap 'di makamtan
Kasagahan 'di matikman.


"Korapsyon"
ni: Jeziel Mae Caduyac

Bayan na iniingatan
Ngayon ay napabayaan
Tao ay pinaikutan
Sa isang maling paraan.

Namuno'y naging mayaman
Tao ay nahihirapan
Unti-unting sinasaktan
Parang walang katapusan.

Ang sanhi ng kaguluhan
Sekretong bulsa'y nilagyan
Pagsakripisyo'y nilaan
Na walang patutunguhan.

Bayan tuluyang nawalan
Labis na nilapastangan
Inaabuso't naiwan
Iginipit ng lubusan.

Namayaning kasamaan
Darating sa kasukdulan
Ang hustisyang nakalaan
Pagkakaisa'y kailangan.


"Mahal Kong Mga Tao"
ni: Khrystal Colen Trangia

Basura’y tila sagana
Kung saan saan ay kita
Mga tao ang may gawa
Sadyang sakim sa planeta.

Ngayo’y naghihingalo na
Ang paligid ay bulok na
Tao’y naapektuhan na 
Kalusuga’y dehado na.

Tao ba’y pinarusahan na?
Sa kanilang kagagawan?
Imbis na ay alagaan,
Ito’y inabusaduhan.

Kailan sila matuto?
Kailan sila magbabago?
Hanggang kailan ang ganito?
Kailan tao ang susuyo?

Paano na ang planeta?
Paunti ay nasisira
Mga tao ang may gawa
Tao din ang magdudusa.

Sa mahal kong mga tao
Sana’y magbago na kayo
Pati bukas ng anak niyo
Sinisira’t dinurog niyo.


"Tunay na Bobo"
ni: Louell Ampo

Sabi nila walang bobo
Lahat tayo matalino
Bagamat may salitang bobo
Para kanino ba ito.

Para ba 'to sa bagsak
O sa mga di nagsikap
Para ba sa 'di nag aral
O taong kulang ng aral.

Kung ayaw mong maging bobo
Huwag kang magpakalumpo
Itingala ang yong ulo
At gamitin ng matino.

Tunay nga na walang bobo
Depende lang ito sayo
Dahil ang tunay na bobo
Ay yung 'di nagpakatino.

“Ang Presidente at Kahirapan”

ni: Jedidiah Quime Agayan

Nananatili ka pa ba

Sa isyu ng kontra droga

O wala ka ng balita

Lumabas ka sa kuweba.

Lumuwas ka at maghanap

Subukan mong maging ganap

Makinig ka at tumanggap

Ang mahirap ay masaklap.

Tumayo ka at maglakad

Sawa na sa pagtutulad

Mahabang paglalahad

Ang pangako ba'y tinupad?

Kung ang meron ay wala na

San pa ba tayo aasa

Kung ang puno ay ubos na

Eh, walang magawa.

Distansya ba ang problema

Kung kapalit nito'y pera

Kung pera ba ang kapalit

Problema ba ang distansya?

  "Pinagmamasdan"

 ni: Jenelyn B. Buma-at

Sa tuwing pinagmamasdan

Mundong kinagagalawan

 Parang umakyat ng hagdan

   Magandang tanaw pagmasdan.

  Ba't ngayoy napabayaan

  Mundong kinagagalawan

  Hindi kakanin ng apoy

   Basura na lumalangoy.

   Paligid na malalangit

    Turistang nagkakainggit

    Paglilinis pinagkait

      Ang malalangit moy yagit.

      Bigyang pansin ang paligid

      Linisin ang bawat gilid

     Para bumalik sa dati

     Umalis na kalapati

       Ngayo'y pagmasdan ang gilid

       Babalik sa dating ganda

       Gumagandang gilid-gilid

        Muling tingnan ay handa na.


“Kalikasan”
ni: Alex Pelayo

O kay sarap pagminamasdan
Ganda ng ating kalikasan
Napuno ng mga halaman
Na palaging inalagaan.

Ngunit bigla itong naglaho
Napalitan ng dumi’t baho
Ang ganda nitong pinagyabang
Ngayo’y na sa isip na lamang.

Ang magandang bulaklak
Nawala na ang halimuyak
Ang batis na pinaglaruan
Ngayo’y ginawa ng tapunan.

Gumawa tayo ng paraan
Tayo’y dapat magtutulungan
Upang ang kanyang kagandahan
Maibalik sa kalikasan.


"Basura Basura Basura"
ni: Rasheed Wallace Suello

Ako ay nagtataka na,
Kung ba't naging ganito na.
Basura na malabundok,
daga,ipis nakapundok.

Ano ba ang dapat gawin?
Basura'y agad pulutin?
O ito'y balewalain?
Polusyon ay aalis rin.

Anong nangyari sa mundo?
kung bakit nagkaganito,
giyera doon baha dito.
Sinumpa na tayo neto.

Sing laya nang kalapati,
babalik ito sa dati.
noo'y pinakamarumi,
ngayo'y ulap na maputi.


"Pamahalaan"
ni: Joan Lopena

Sila ay walang makain 
Lumalanghap na ng hangin
Sikmura nya’y kumakalam
'Di daing ang kagutoman.

Gobyernong walang magawa
Pangakong walang nagawa
Gobyernong puro salita
Ambag nila'y 'di makita.

Gising mga katauhan!
Tayo ay nahihirapan
Mundo ay kaawa-awa
Opisyal na walang-awa.

Kamay na bakal ang dapat
Sa opisyal na 'di tapat
Bulag sa katotohanan
Bingi sa daing ng bayan.

Ang sa bayan ay sa bayan
Huwag itago ang kaban
Iambag ito sa bayan
Aking lupang sinilangan.


"Basura"
ni: Jenissa Orongan

Maraming basura ngayon
Nagkalat sa mga nayon
Ba't hindi nila maisip
Kahit man sa panaginip.

Ba't hindi nila inipon
At itapon kung sa gayon 
Maayos ang lugar sana 
Kung wala ang basura.

Sana ganito ang tao 
Inisip bago itapon
Para maayos ang nayon 
Sa tamang lugar itapon. 

Ok, maraming nagkasakit 
Sa mga taong malulupit 
Ang malulubha pa dito 
May namamatay pa nito. 

'Wag itapon kung saan 
Tayo lang ang mahihirapan 
Wala sana ang basura 
Kung walang taong pasaway.